ე.წ. მაგნიცკის საქმესთან დაკავშირებით, კანადის ხელისუფლებამ რუსეთის 30 მოქალაქეს სანქციები დაუწესა. სანქციები შეეხებათ იმ ფიზიკურ პირებს, რომლებიც 2008 წელს რუსი იურისტის, სერგეი მაგნიცკის მიერ ჩატარებული გამოძიების თანახმად, 230 მილიონი დოლარის ოდენობის საგადასახადო თაღლითობაში იყვენენ ჩართული.
სანქციები ასევე შეეხებათ იმ ადამიანებს, რომლებიც წინასწარი პატიმრობის დროს მაგნიცკიზე ფსიქოლოგიურად და ფიზიკურად ძალადობდნენ. აღნიშნული პირების აქტივები გაიყინება და მათ კანადაში შესვლა აეკრძალებათ.
სასანქციო სიაში მოხვდნენ რუსეთის გენერალური პროკურორის ყოფილი მოადგილე, ალექსანდრ ბასტრიკინი და რუსი პოლიტიკოსი და იურისტი, ლეონიდ მარკელოვი. მოსკოვში ამბობენ, რომ სანქციების დაწესება სამომავლოდ ორმხრივ კავშირებს დააზარალებს.