ნოემბერი 6, 2017
120
საუდის არაბეთის დედაქალაქის საჰაერო სივრცეში ბალისტიკური რაკეტა გაანადგურეს. ძლიერი აფეთქების ხმა ერ-რიადის აეროპორტთან გაისმა.
ოფიციალური ცნობებით, რაკეტის ნაწილები აეროპორტის სიახლოვეს ჩამოვარდა. "ბიბისის" ინფორმაციით, საუდის არაბეთის დედაქალაქის მიმართულებით რაკეტა იემენში მოქმედმა მეამბოხე ჰუსიტებმა ისროლეს, რომელთაც ზურგს ირანი უმაგრებს.
ინციდენტის შედეგად არავინ დაშავებულა. აეროპორტის სიახლოვეს მცხოვრები მოქალაქეები ყვებიან, რომ მათ სახლებში ფანჯრებმა ზანზარი დაიწყეს.
იემენში უკვე წლებია სამოქალაქო ომი გრძელდება. საუდის არაბეთი მხარს ქვეყნის პრეზიდენტ მანსურ ჰადის უჭერს და მეამბოხე შიიტი ჰუსიტების წინააღმდეგ ავიაიერიშებს განაგრძობს.
მაჩვენე მეტი