საუდის არაბეთში 11 პრინცი კორუფციის ბრალდებით დააკავეს. დაპატიმრებულია ასევე 4 მინისტრიც. როგორც არაბული მედია იტყობინება, სამეფო ოჯახის წევრებს იარაღის უკანონო ვაჭრობასა და ფულის გათეთრებაში ადანაშაულებენ.

ოფიციალური ინფორმაცია დაკავებულების დანაშაულებრივი საქმიანობის შესახებ არ გაუვრცელებიათ.

პრინცები მას შემდეგ აიყვანეს, რაც, მეფის ბრძანებით, კორუფციასთან ბრძოლის უმაღლესი კომიტეტი შექმნეს. უწყებას ტახტის მემკვიდრე პრინცი მოჰამედ ბინ სალმანი უხელმძღვანელებს.

ასევე ცნობილი გახდა, რომ, სალმანის ბრძანებით, თანამდებობა დატოვა ეროვნული გვარდიისა და ფლოტის მეთაურმა. "ბიბისი" წერს, რომ ამ გადაწყვეტილების შედეგად, სალმანი საუდის არაბეთის შეიარაღებული ძალების ერთპიროვნული მეთაური გახდა.