კლუბი „მესხი მებრძოლების“ კარატისტები საქართველოს ღია ჩემპიონატიდან საპრიზო ადგილებით დაბრუნდნენ.


შეხვედრა 5 ნოემბერს გორში, სხვადასხვა წონით და ასაკობრივ კატეგორიაში გაიმართა და მასში საქართველოს თითქმის ყველა მუნიციპალიტეტიდან, 670–მდე კარატისტმა მიიღო მონაწილეობა.

„მესხი მებრძოლებიდან“ ტურნირში 13–მა სპორტსმენმა იასპარეზა და ცამეტივემ საპრიზო ადგილი დაიკავა.

საქართველოს ჩემპიონატი ყოველწლიურად იმართება.

შეხვედრა წელს უკვე ოცდამეხუთედ ჩატარდა.