საქართველოს იუსტიციის სამინისტროს მმართველობის სფეროში მოქმედი სსიპ „მონაცემთა გაცვლის სააგენტოსა“ და „აისიტის ბიზნესსაბჭოს“ ორგანიზებით, რიგით მე-10 რეგიონული კონფერენცია გაიხსნა.

ღონისძიება, ტრადიციულად, საქართველოს იუსტიციის მინისტრმა თეა წულუკიანმა გახსნა. კონფერენციის მთავარ თემას, კიბერუსაფრთხოებასთან დაკავშირებული საკითხები, ინფორმაციული ტექნოლოგიების განვითარების მიმართულებები და საქართველოში, ელექტრონული მმართველობის განვითარების საკითხები წარმოადგენს.

წლევანდელი კონფერენცია 30-ზე მეტი ქვეყნის 600-მდე წარმომადგენელს მასპინძლობს. კონფერენცია ხვალ წლის საუკეთესო აიტი პროექტების ავტორთა დაჯილდოების ცერემონიალით დასრულდება.

წელს 15 ნომინაციაში როგორც საჯარო, ისე კერძო სექტორიდან 50-მდე პროექტია წარდგენილი.