დაუშვებლად მივიჩნევ იუსტიციის მინისტრისგან ომბუდსმენის მისამართით ამ ტიპის კრიტიკას, ეს არის არა მხოლოდ კრიტიკა, ეს არის მიზანმიმართული დისკრედიტაცია კონსტიტუციური ინსტიტუციის მიმართ.
შეგახსენებთ, რომ კონსტიტუციის მიხედვით, ადამიანის უფლებებისა და თავისუფლებების დაცვას ზედამხედველობს სახალხო დამცველი, რომელიც არის დამოუკიდებელი და ხელმძღვანელობს კონსტიტუციით, საერთაშორისო აქტებით და ორგანული კანონით. ორგანული კანონი ,,სახალხო დამცველის შესახებ'' აცხადებს, რომ დაუშვებელია სახალხო დამცველზე ნებისმიერი ზემოქმედება და მის საქმიანობაში ჩარევა !
მე ძალიან მიხარია, რომ ქართული სამოქალაქო სექტორი მოწოდების სიმაღლეზეა, 11-მა არასამთავრობო ორგანიზაციამ დაგმო ეს ფაქტი, მე ძალიან ბედნიერი ვარ, რომ საპარლამენტო უმრავლესობიდან აღმოჩნდა სახელმწიფოებრივად მოაზროვნე დეპუტატი, ბატონი შალელაშვილი, რომელმაც ასევე საჯაროდ დაგმო ფაქტი და ეს ახსნა სწორად, რომ დაუშვებელია ასეთი გამონათქვამები ომბუდსმენის ინსტიტუციის მიმართ. მივესალმები ქალბატონი თამარ ჩუგოშვილის და ქალბატონი მარიამ ჯაშის სწორ პოზიციებს, რომლებმაც არ გაიზიარეს იუსტიციის მინისტრის დამოკიდებულება.
ძალიან ვწუხვარ, რომ აშშ ელჩის, ბატონი იან კელის და ევროპის საბჭოს კომისრის, ადამიანის უფლებათა კომისრის, ბატონი ნილს მუიჟნიეკსის განცხადებების გაკეთება გახდა საჭირო სახალხო დამცველის ინსტიტუციის დასაცავად.
მაშინ, როცა მინისტრი ასეთი თავდაჯერებულობით აგრძელებს რიტორიკას და კვლავ ავლენს დაკავებულ თანამდებობასთან შეუსაბამობას, არ უნდა დაავიწყდეს, რომ საზოგადოებას მის მიმართ გვაქვს ლეგიტიმური პრეტენზიები. მინისტრის მიერ, სიღრმისეული ანალიზის გარეშე 2014 წლის 1 სექტემბრიდან საქართველოს კანონში ,,უცხოელთა და მოქალაქეობის არმქონე პირთა სამართლებრივი მდგომარეობის შესახებ" ძალაში შევიდა ცვლილებები, რომლითაც არსებითად შეიცვალა საიმიგრაციო წესები და გართულდა სავიზო რეგულაციები, შედეგად კი ქართულ სახელმწიფოს და ეკონომიკას მიადგა ასეულობით მილიონი ლარის ზარალი, მინისტრმა, ბევრ შეცდომასთან ერთად არაერთხელ ნეგატიურად წარმოაჩინა საქართველო ევროპის სასამართლოში.
ე.წ. სტრასბურგის სასამართლოში ნამუშევარი კადრი, გაცილებით მეტ


#ირაკლიღლონტი #პოლიტიკა