ქართველი დეპუტატები და საკანონდებლო ორგანოს აპარატის თანამშრომლები, საპარლამენტთაშორისო საფეხბურთო ტურნირზე ფინალში გავიდნენ.

საქართველოს გუნდმა ორი წარმატებული თამაში გამართა. პირველი შეხვედრა რუმინეთის პარლამენტის გუნდთან, ანგარიშით 7:1 მოიგო, ხოლო უკრაინის რადას გუნდთან გამართული თამაში, ანგარიშით 1:1 დასრულდა. ხვალ კი, საქართველო მასპინძელი ქვეყნის, თურქეთის საპარლამენტო გუნდს შეხვდება, რომელმაც თავის მხრივ, ნახევარფინალში პოლონეთთან ანგარიშით 2:2, ხოლო უნგრეთის გუნდთან თამაში 2:0 მოიგო.