სპეცოპერაციისას ლიკვიდირებული ერთ-ერთი პირი ჩატაევია-ამის შესახებ სუსის სპეციოალურ ბრიფინგზე განაცხადეს. სუსის ინფორმაციით, ცატაევმა თავი აიფეთქა.

სუს-ის პრესსამსახურის ინფორმაციით, ამერიკელ კოლეგებთან ერთად ჩატარებული გამოძიების ფარგლებშიდ ადგენილია მხოლოდ ჩატაევის ვინაობა. დანარჩენს პირებს კი თან მაიდენტიფიცირებული დოკუმენტაცია არ ჰქონიათ.

„ამერიკელი კოლეგების დახმარებით ჩატარებული საგამოძიებო მოქმედებებით და ექსპერტიზით, დნმ-ის ასევე თითის ანაბეჭდებით და დაქტილოსკოპიური კვლევით, დადგენილ იქნა, რომ ლიკვიდირებული პირებიდან ერთ-ერთ ახმედ ჩატაევია. დანაშაულებრივი ჯგუფის წევრებს თან მათი ვინაობის მაიდენტიფიცირებელი არანაირი დოკუმენტი არ ჰქონიათ. აღნიშნული პირების იდენტიფიკაციის პროცესში ჩართულები არიან ჩვენი საერთაშორისო პარტნიორები. გამოძიების ფარგლებში დგინდება თუ როგორ მოხვდნენ აღნიშნული პირები საქართველოში და ასევე დგინდება მათი შესაძლო კავშირი სხვა დანაშაულებრივ პირებთან,“-განაცხადა ნინო გიორგობიანმა.

მისივე ინფორმაციით, გავრცელებული ინფორმაცია იმის შესახებ, რომ სპეცოპერაციისას ორმა პირმა გაქცევა შეძლო სიმართლეს არ შეესაბამება. გიორგობიანის განცხადებით, სპეცოპერაციის საწყის ეტაპზე სამართალდამცველებმა დანაშაულებრივი ჯგუფის წევრებს დანებება შესთავაზეს რაზეც უარი მიიღეს. მისივე თქმით, პარალელურ რეჟიმში მიმდინარეობდა მოსახლეობის ევაკუაცია მათივე უსაფრთხოების მიზნით.