ძიუდოში საქართველოს ნაკრებმა სანქტ-პეტერბურგის მასტერსზე დღეს სამი ოქროს მედალი მოიპოვა.

ქართველმა სპორტსმენებმა წარმატებით იასპარეზეს. ოთხი წონითი კატეგორიიდან, სამის ფინალში ჩვენი ძიუდოისტები გავიდნენ.

90 კგ -ში ბექა ღვინიაშვილმა ფინალში კორეელი სპორტსმენი იპონით დაამარცხა და საქართველოს ოქროს მედალი მოუტანა.

100 კგ-ში ვარლამ ლიპარტელიანი რეიტინგის პირველ ნომერს, ჰოლანდიელ ძიუდოისტს შეხვდა, 1:0 დაამარცხა და მეორე ოქროს მფლობელი გახდა.

+100 კგ - კატეგორიაში გურამ თუშიშვილმა ფინალში ბრაზილიელთან იჭიდავა. ის ვაზარით იგებდა, თუმცა საბოლოოდ შეხვედრა იპონით დაასრულა.

შეგახსენებთ, პირველ დღეს ბრინჯაოს მფლობელი 66კგ-ში ვაჟა მარგველაშვილი გახდა, ხოლო ოლიმპიური ჩემპიონი ლაშა შავდათუაშვილი 73 კგ - ში ვერცხლს დაეუფლა.