ავტოსაგზაო შემთხვევა მეგობრობის გამზირზე დაახლოებით 18 საათზე მოხდა. ერთმანეთს საპატრულო პოლიციის "შკოდა"-ს მარკის და "ფორდი"-ს მარკის მიკროავტობუსი დაეჯახნენ. ავარიის შედეგად საპატრულო პოლიციის ავტომობილმა მიმართულება დაკარგა და ბეტონის შუაგამყოფ ჯებირს შეეჯახა. ადგილზე მობილიზებული იყო სასწრაფო სამედიცინო და საპატრულო პოლიციის ეკიპაჟები, ავტოსაგზაო შემთხვევის შედეგად პატრულის 2 თანამშრომელი დაშავდა. მათი გადაყვანა "კლინიკა რუსთავში" მოხერხდა. პოლიციის თანამშრომლების სიცოცხლეს საფრთხე არ ემუქრება, მათი ჯანმრთელობის მდგომარეობა სტაბილურია.