2017 წლის 25 დეკემბრის კრივის ეროვნული ფედერაციის პრეზიდენტის დავით წიკლაურის ინფორმაცია მის მიერ ჩატარებული ერთწლიანი მუშაობის შესახებ! საქართველოს სპორტის - კრივის ისტორიული მომენტები! ვახო სანაიას ხალხის პოლიტიკა (25.12.2017) .
კრივის ფედერაციის ხელმძღვანელებმა - ახალგაზრდა მოკრივეებს წაართვეს - 2017 წლის - კრივში საქართველოს ჩემპიონობის და პრიზიორობის შანსი!!!
ვიცით,რომ სპორტისა და ახალგაზრდობის საქმეთა სამინისტროს ხელმძღვანელებმა და კრივის ეროვნული ფედერაციის ხელმძღვანელებმა მუდმივად - უნდა იზრუნონ - ახალგაზრდების დასაქმებაზე და ქართული სპორტის - მოყვარულთა კრივის - განვითარებაზე!!!
ჩემი პირადი მოქალაქეობრივი აზრით - სახელმწიფოს, სადაც არ ტარდება წელიწადში ერთხელ - ეროვნული ჩემპიონატი - არ სჭირდება სპორტის - თანაც ახალგაზრდობის საქმეთა - სამინისტრო და ფედერაცია,რომელიც ამ სამინისტროს კონტროლს ფაქტიურად არ ექვემდებარება!!!
საქართველოს მოქალაქეებმა უნდა იცოდნენ, რა თანხა გამოიყო აღნიშნულ ჩემპიონატისთვის და სად, როდის და რისთვის დაიხარჯა???
სამწუხაროა ის, რომ დ.წიკლაური სამოყვარულო ( ოლიმპიური) და პროფესიონალური სპორტის წესებში, ჩემი აზრით, არ ერკვევა! აზროვნებს და მოქმედებს, როგორც პროფესიული კრივის მწვრთნელი და საშუალო მენეჯერი!
უნდა აღინიშნოს ისიც, რომ 2017 წელს ევროპის ჩემპიონების ტიტულები,ოქროს მედლები ესკერხან მადიევმა და სახილ ალახვერდოვმა, ასევე 2017 წელს ვერცხლის, ბრინჯაოს, მედლები ჩვენმა ბიჭებმა საერთაშორისო ასპარეზზე ( სულ 9 მედალი) მოიპოვეს მხოლოდ ასაკობრივ ჩემპიონატებზე. იუნიორთა, ჭაბუკთა და მოსწავლეთა შორის მოპოვებული მედლები კრივში, წლების მანძილზე, საქართველოში უკვე ტრადიციად იქცა.
დიდებში კი მხოლოდ მარტო ერთმა ახალქალაქელმა ოთარ ერანოსიანმა ( მწვრთნელი Atom Elizbaryan - ი) მოიპოვა ბრინჯაოს მედალი 2017 წლის მსოფლიოს ჩემპიონატზე და საქართველოს მთავარი ეროვნული გუნდი გაიყვანა მეათე ადგილზე მსოფლიოში!
საქართველოში - 2017 წელს - არ ჩაატარეს კრივში მთავარი ეროვნული ჩემპიონატი და მინიმუმ 100 მოკრივეს წაართვეს ეს უდიდესი სიამოვნება!!!
არ ჩაატარეს სულ სამი ეროვნული ასაკობრივი ჩემპიონატი ( 12 წლის ასაკის, 13 -14 წლის ასაკის, 19 – 40 წლის ასაკის ) და სამჯერ იმდენივე ახალგაზრდა უსაქმოდ დატოვეს!
საინტერესოა, ფედერაციაში სადაც მთავარი თანამდებობების მქონე პირები ერთმანეთის ნათესავები არიან, როგორ მიმდინარეობს დახარჯული ფულადი თანხების დაფიქსირება?
ბუღალტრული აღრიცხვა?