მარიამ ხაჭვანი კანის საერთაშორისო კინოფესტივალმა საუკეთესოთა შორის დაასახელა. ახალი მხატვრული სრულმეტრაჟიანი პროექტით “ნენე” მან სცენარზე უნდა იმუშავოს პარიზში და ისწავლოს ფრანგული. კანის კინოფესტივალზე მარიამი ექვს რეჟისორს შორის აირჩა.


„სტატისტიკის თანახმად, სასამართლოებში თავმჯდომარის თანამდებობაზე 25 მოსამართლე გვყავს და აქედან ქალი მხოლოდ სამია“, – ამის შესახებ განცხადება იუსტიციის უმაღლესი საბჭოს წევრმა, ნაზი ჯანეზაშვილმა მის ინიციატივაზე საუბრისას განაცხადა.
ინიციატივა სასამართლო სისტემაში თანამდებობებზე მოსამართლეთა დანიშვნისას გენდერული ასპექტის გათვალისწინებას გულისხმობს. საბჭოს წევრს მიაჩნია, რომ გენდერული ასპექტი მნიშვნელოვანი და გასათვალისწინებელი დეტალია. მისი შეფასებით, უკვე რამდენიმე წელია, თანამდებობებზე ქალი მოსამართლეების ნაკლებობის სტატისტიკა არ იცვლება.სასამართლო სისტემაში თავმჯდომარეები უმეტესად კაცები არიან. ქალები არ არიან წარმოდგენილი მრავლად. სტატისტიკის თანახმად, სასამართლოებში თავმჯდომარის თანამდებობაზე 25 მოსამართლე გვყავს და აქედან ქალი მხოლოდ სამია.ასევე მნიშვნელოვანია ის, რომ წლების განმავლობაში სტატისტიკა არსებითად არ იცვლება. დღეს წარმოდგენილი გვექნება ბოლო 4 წლის სტატისტიკური ინფორმაცია, რომლის თანახმადაც ნამდვილად არ შეცვლილა სურათი.