ერთიანი ნაციონალური მოძრაობის ინიციატივით, თბილისის საკრებულოში, ქალაქ თბილისის გენერალური გეგმის განხილვა მოეწყო. მოწვეულნი იყვნენ პოლიტიკური პარტიები და პროფესიული სფეროსა და ფართო საზოგადოების წარმომადგენლები. შეხვედრა მიზნად ისახავდა საკითხის გარშემო დისკუსიას, მიდგომებისა და პრინციპების განხილვას. აგრეთვე, თბილისში, დღეს მიმდინარე ქაოტური სამშენებლო პროცესების რეგულირების რესურსის შეფასებას შემუშავებული გენგეგმის კონტექსტში.
შეხვედრა, გენგეგმის პრეზენტაციის გარდა, მრავალმხრივი კითხვა-პასუხის რეჟიმში, 2 საათზე მეტ ხანს გაგრძელდა.
მოწვევის მიუხედავად, სხდომას არ ესწრებოდნენ ქალაქ თბილისის მერიის შესაბამისი სამსახურების წარმომადგენლები, რაც ქმნის წინაპირობას, დამკვეთის მხრიდან გეგნგეგმის ცალმხრივი შეფასებისათვის, არაობიექტური დახასიათებისა და ქალაქგეგმარებითი პროცესების განვითარების საწინააღმდეგოდ მიმდინარეობისათვის.