ნიდერლანდური მედია საქართველოთი ინტერესდება და ჩვენს შესახებ ერთ-ერთ ბეჭდურ გამოცემაში სტატია დაწერა, სადაც შეაფასა საქართველოს საექსპორტო პოტენციალი სოფლის მეურნეობაში, ქვეყნის უპირატესობები და ბიზნესგარემო.

“პატარა კავკასიური ქვეყანა, შესაძლოა საექსპორტო გიგანტად გადაიქცეს” - ასეთი სათაურით გამოაქვეყნა ნიდერლანდურმა გამოცემამ Meat Packing Journal-მა, 2018 წლის იანვარ-თებერვლის გამოცემაში სტატია, რომელიც მთლიანად საქართველოს და სოფლის მეურნეობაში საექსპორტო პოტენციალს მიეძღვნა. რთულია განსაზღვრა, ქვეყანა ევროპის უკიდურეს აღმოსავლეთ ნაწილს მიეკუთვნება თუ აზიის უკიდურეს დასავლეთს, თუმცა სწორედ ეს გარემოება გვაძლევს საშუალებას ვთქვათ, რომ საქართველო მდებარეობით საკმაოდ სტრატეგიულ ადგილას იმყოფება. ასევე სტატიაში ვკითხულობთ, რომ ეს ის ქვეყანაა, სადაც მოსახლეობას დაბალი ხელფასები აქვს, თუმცა შექმნილია ხელსაყრელი ბიზნეს გარემო, რომელიც შესაძლოა მნიშვნელოვანი და გადამწყვეტი აღმოჩნდეს ინვესტორისთვის.