მთავრობამ სამუშაოს მაძიებელთა პროფესიული მომზადება-გადამზადებისა და კვალიფიკაციის ამაღლების სახელმწიფო პროგრამა დაამტკიცა.
2 მილიონ 90 ათასი ლარი - ეს არის ის თანხა რომელსაც საქართველოს მთავრობა სამუშაოს მაძიებელთა პროფესიული მომზადება-გადამზადებისა და კვლიფიკაციის ამაღლებისთვის დახარჯავს. შესაბამისი დადგენილება სულ ცოტა ხნის წინ შევიდა ძალაში.
სამუშაოს მაძიებელთა პროფესიული მომზადება-გადამზადებისა და კვალიფიკაციის ამაღლების სახელმწიფო პროგრამის სამიზნე ჯგუფი 16 წლის ზემოთ შრომითი ქმედუნარიანობის მქონე საქართველოს მოქალაქეები, ასევე საქართველოში მუდმივი ბინადრობის მქონე მოქალაქეობის არმქონე პირები და ლტოლვილის ან ჰუმანიტარული სტატუსის მქონე პირები არიან.
პროგრამის მიხედვით დაფინანსება ვაუჩერული სისტემით მოხდება. მაქსიმალური ღირებულება 1 პირზე 1000 ლარით განისაზღვრა. სტაჟირების შემთხვევაში კი გაგზავნილი მოსარგებლეებისთვის თვეში 200 ლარი სტიპენდია გაიცემა.

სტუმრები :თათია ჩაფიჩაძე, “საქმიანი დილის” რეპორტიორი;
მარიამ ბუზარაშვილი - ჯანდაცვის სამინისტროს სოციალური მომსახურების სააგენტოს დასაქმების დეპარტამენტის ხელმძღვანელი