#სპორტი #SPORT #vedetta #Highlights - 36 წლის შვეიცარიელმა ჩოგუბურთელმა როტერდამის ტურნირის 1/4 ფინალში მასპინძელი რობინ ჰაასი სამ სეტში2:1 (4:6, 6:1, 6:1) დაამარცხა და ნახევარფინალში გავიდა. რის შედეგადაც, “მხიარული როჯერი” მსოფლიო რეიტინგის სათავეში დაბრუნდა. ამით, ფედერერმა რეკორდი დაამყარა. საქმე ისაა, რომ როჯერი ჩოგბურთის ისტორიაში ყველაზე მხცოვანი პირველი ნომერი გახდა (36 წელი და 195 დღე). აქამდე, ეს რეკორდი ანდრე აგასს ეკუთვნოდა, რომელიც თავის დროზე რეიტინგს 33 წლისა და 133 დღის ასაკში ლიდერობდა.
36 წლის შვეიცარიელს რეიტინგში 9785 ქულა აქვს და ეს 25 ქულით მეტია რაფაელ ნადალის შედეგზე, რომელიც 7960 ქულით მეორე საფეხურზე დარჩა მელბურნში მარინ ჩილიჩთან მარცხის შემდეგ. ეს იყო ფედერერის კარიერაში 1392-ე მატჩი (1142 მოგება, 250 წაგება).
ლეგენდარული შვეიცარიელი მსოფლიო რეიტინგს პირველად 2004 წლის 2 თებერვალს ჩაუდგა სათავეში, როდესაც რუსი მარატ საფინი ავსტრალიის ღია პირველობის ფინალში დაამარცხა.
ორშაბათიდან, 36 წლის, 6 თვისა და 11 დღის ასაკში, სადებიუტო გალიდერებიდან ზუსტად 14 წლისა 17 დღის შემდეგ, გენიალური როჯერ ფედერერი მსოფლიო რეიტინგს ისევ ზემოდან გამოდხედავს და ეს იქნება 303-ე კვირა, რომელსაც შვეიცარიელი ATP-ის რეიტინგს ლიდერის რანგში შეხვდება!
დიდი სლემის 20-გზის ჩემპიონმა როჯერ ფედერერმა კარიერაში 97-ე ტიტული დაისაკუთრა. როჯერმა როტერდამის ტურნირის ფინალში ბულგარელი გრიგორ დიმიტროვი იოლად 6:2, 6:2 დაამარცხა. შეხვედრა 56 წუთს გაგრძელდა. როჯერმა 8-დან 4 ბრეიკი შეასრულა. დიმიტროვს ერთი ბრეიკ-პოინტიც კი არ ჰქონია.
შვეიცარიელმა როტერდამის ტურნირი კარიერაში მესამედ მოიგო (2005, 2012,2018).
ჩოგბურთის ისტორიაში როჯერს ერთეულთა თანრიგში მოგებული ტიტულების რაოდენობით, მხოლოდ ჯიმი კონორსი უსწრებს, რომელსაც 109 ტიტული აქვს მოპოვებული.
ATP-ის ოფიციალურმა ვებგვერდმა განახლებული რეიტინგი გამოაქვეყნა, რომელსაც 2012 წლის შემდეგ პირველად სათავეში როჯერ ფედერერი დაუბრუნდა.
ATP-ის განახლებული რეიტინგი 19 თებერვლისთვის

1. როჯერ ფედერერი - 10 105 ქულა
2. რაფაელ ნადალი - 9760
3. მარინ ჩილიჩი – 4960
4. გრიგორ დიმიტროვი – 4635
5. ალექსანდრ ზვერევი 4450