ვინაიდან, ჩემს მონაწილეობას ამ კონფერენციაში მოყვა არაერთგვაროვანი შეფასებები, მსურს დამატებით, კიდევ ერთხელ საჯაროდ განვმარტო შემდეგი :

აფხაზეთის უმაღლესი საბჭოს ფრაქციის ,,მრგვალი მაგიდა - დიალოგი ერთიანი საქართელოსთის’’ თავმჯდომარის, დეპუტატის, ბატონი თამაზ ხუბუას მიწვევით გახლდით კონფერენციაზე: ,,ოკუპირებული ტერიტორიების შესახებ'' საქართველოს კანონის გამოწვევები, შეფასებები, პრობლემები.
გატყობინებთ, რომ ჩემთვის, როგორც რიგითი მოქალაქისთვის ზემოაღნიშნული კანონის არსებობას აქვს უდიდესი მნიშვნელობა და დაუშვებლად მიმაჩნია განხილა მისი გაუქმების ან ლიბერალიზაციის კუთხით.

ფართო საზოგადოებისთვის ცნობილია, რომ არაერთ სატელევიზიო თოქ-შოუში პრინციპულად მაქვს ეს პოზიცია გამოხატული და მას ქართული სახელმწიფოს ინტერესებიდან გამომდინარე ვიცავ და დავიცავ ყოველთვის. კანონს აქვს უდიდესი მნიშვნელობა, ვინაიდან იგი ერთ-ერთი და პრაქტიკულად უალტერნატივო მექანიზმია ოკუპირებული ტერიტორიის არაღიარების პოლიტიკის შესანარჩუნებლად და ხანდაზმულობის ვადის ავისმომასწავებელი სამართლებრივი შედეგების თავიდან ასაცილებლად. მიმაჩნია, რომ კანონი შესაძლებელია დაიხვეწოს და გამკაცრდეს სანქციები, თუმცა კანონის არსებობა ეს არის უმნიშვნელოვანესი ფაქტი და იგი პირდაპირ გამოხატავს ქართული სახელმწიფოს და ხალხის ურყევ, პრინციპულ ნებას სახელმწიფოს განუყოფელი ტერიტორიის მიმართ.

კანონის მიზანია განსაზღვროს ტერიტორიის სტატუსი, რომელიც რუსეთს აქვს ოკუპირებული სამხედრო აგრესიის ფორმით და ამ კანონით დადგენილია განსაკუთრებული სამართლებრივი რეჟიმი.
კანონი აცხადებს, რომ საქართველო არის სუვერენული, ერთიანი და განუყოფელი სახელმწიფო და მის ტერიტორიაზე ნებისმიერი სხვა სახელმწიფოს შეიარაღებული ძალების ყოფნა თანხმობის გარეშე არის ტერიტორიის უკანონო სამხედრო ოკუპაცია.
კანონი პირდაპირ ეხმიანება საქართველოს კონსტიტუციას, რომელიც თავის მხრივ ამბობს, რომ საქართველო არის დამოუკიდებელი, ერთიანი და განუყოფელი სახელმწიფო, რაც დადასტურებულია 1991 წლის 31 მარტს ქვეყნის მთელ ტერიტორიაზე, მათ შორის აფხაზეთის ასსრ-ში და ყოფილ სამხრეთ ოსეთის ავტონომიურ ოლქში ჩატარებული რეფერენდუმით და 1991 წლის 9 აპრილის საქარ




#ირაკლიღლონტი #პოლიტიკა