#სპორტი #SPORT #vedetta #Highlights - “მინესოტა ტიმბერვულვზმა” “ატლანტა ჰოუქსი” 126:114 დაამარცხა და ეს მეტწილად, კარლ-ენტონი თაუნსის დამსახურებაა, რომელმაც დიდებული მატჩი ჩაატარა. 22 წლის კალათბურთელმა 41 წუთში 56(!) ქულა, 15 მოხსნა და 4 პასი გაახერხა.
თაუნსმა “მინესოტას” საკლუბო რეკორდი დაამყარა, რადგან აქამდე ერთ შეხვედრაში ასეთი რაოდენობის ქულები ამ გუნდის რიგებში არავის მიუთვლია. წინა რეკორდი მო უილიამსს ეკუთვნოდა, რომელაც 2015 წელს 52 ქულა ჩააგდო. შემდეგ მოდიან 51-51 ქულით კევინ ლავი და კორი ბრიუერი.
ეს შედეგი თავად კარლ-ენტონისთვისთვისაც სარეკორდი გამოდგა. აქამდე მისი კარიერის საუკეთესო შედეგი 2016 წლის 30 ნოემბერს, “ნიუ-იორკთან” დაგროვებული 47 ქულა გახლდათ.
აღსანიშნავია, რომ მიმდინარე სეზონში 56 ქულა მესამე შედეგია. ამაზე მეტი ერთ მატჩში ჯეიმს ჰარდენმა (60 ქულა) და ლებრონ ჯეიმსმა მიითვალეს (57).