„DCFTA-info” არის გადაცემა ევროპული ბაზრისა და ღრმა და ყოვლისმომცველი თავისუფალი ვაჭრობის შელშეკრულების ფარგლებში ქართველ მეწარმეთა პერსპექტივების შესახებ. გადაცემის მხარდამჭერები არიან: საქართველოს სავაჭრო-სამრეწველო პალატა და პროექტი „მცირე და საშუალო მეწარმეობის განვითარება და DCFTA საქართველოში“. ეს პროექტი ევროკავშირის თანადაფინანსებით მიმდინარეობს და მას გერმანიის საერთაშორისო თანამშრომლობის საზოგადოება (GIZ) ახორციელებს. პროექტი მცირე და საშუალო მეწარმეებს კონკურენტუნარიანობის გაზრდასა და ევროკავშირთან თავისუფალი სავაჭრო სივრცის პირობებში ჩამოყალიბებულ ახალ მარეგულირებელ გარემოსთან ადაპტირებაში ეხმარება. ის ევროკავშირის ინიციატივა EU4Business-ის ფარგლებში ხორციელდება. აღნიშნული ინიციატივის მიზანია დაეხმაროს მცირე და საშუალო მეწარმეებს ისარგებლონ საქართველოსა და ევროკავშირს შორის თავისუფალი სავაჭრო სივრცის შესახებ შეთანხმებით. ინიციატივა ხელს უწყობს ბიზნეს გარემოს გაუმჯობესებას, მეწარმეების ცოდნისა და უნარების ამაღლებას და ფინანსებთან ხელმისაწვდომობას. გადაცემა „პირველი რადიოს“ ეთერში გადის ყოველი თვის პირველ სამშაბათს 18:15-ზე. გადაცემის ავტორი და წამყვანი: სოფო მაქაცარია

დღევანდელი გადაცემა დაეთმო: საქართველოს ევროკავშირთან ასოცირების დღის წესრიგი. როგორია შედეგები 4 წლის შემდეგ, რამდენად ნასრულებს ნაკისრ ვალდებულებებს საქართველო და როგორია ცნობადობა ასოცირების ხელშეკრულების შესახებ საქართველოს მოსახლეობაში.

სტუმარი: ფონდი "ღია საზოგადოება-საქართველოს" ევროინტეგრაციის პროგრამის ხელმძღვანელი ივანე ჩხიკვაძე