https://www.facebook.com/tvpirveli/

ტეგები: #ტვპირველი #ტელევიზია #სიახლეები #პოლიტიკა

ამერიკაში, ჯონ ჰოპკინსის კლინიკაში ქირურგებმა პირველად ისტორიაში მამაკაცის სასქესო ორგანოს სრული ტრანსპლანტაცია განახორციელეს.
პაციენტი ყოფილი სამხედროა, რომელმაც ავღანეთში ბომბის აფეთქების შედეგად მძიმე ჭრილობა მიიღო. ოპერაცია 14 საათი გაგრძელდა, ის ორმა ქირურგმა-უროლოგმა და პლასტიკური მედიცინის 9 ქირურგმა ჩაატარეს.
ექიმებმა პაციენტს გარდაცვლილი დონოროს პენისი, სათესლე ჯირკვლები და სისხლძარღვები გადაუნერგეს.

ენდრიუ ლი, ექიმი
ვთვლით, რომ ყველაფერმა კარგად ჩაიარა. ოპერაციიდან ჯერ ერთი თვეც არ არის გასული, ამიტომ საბოლოო დასკვნების გამოტანა ნაადრევია, მაგრამ ჩვენ ვთვლით, რომ ამ კვირის ბოლომდე პაციენტს უკვე გავწერთ კიდეც კლინიკიდან. აღდგენითი პროცესი კიდევ გარკვეულ პერიოდს წაიღებს, როგორც შარდსადენი, ასევე სექსუალური ფუნქციის აღდგენის თვალსაზრისით.
თავად პაციენტმა, რომლის ვინაობაც არ სახელდება, ამბობს, რომ თავს კარგად გრძნობს, მისი ფსიქოლოგიური მდგომარეობა გაუმჯობესებულია და თავდაჯერებულობაც დაუბრუნდა. ექიმები ადასტურებენ, რომ გენეტალიის დაკარგვა პაციენტებზე განსაკუთრებით მძიმედ მოქმედებს.