შსს ღამის კლუბებში ნარკოტიკების რეალიზაციის ამსახველ ვიდეომასალას ავრცელებს

www.Reginfo.ge - შინაგან საქმეთა სამინისტრომ თბილისში მდებარე კლუბებში "ბასიანსა" და "გალერიში", ასევე, მიმდებარე ტერიტორიაზე ნარკოტიკების რეალიზაციის ამსახველი ვიდეომასალა გაავრცელა. შსს-ს ცნობით, ვიდეო მოსამართლის განჩინების საფუძველზეა გადაღებული. ნარკოტიკების რეალიზაციის ბრალდებით დაკავებულია 8 პირი: 1988 წელს დაბადებული ვ.ჟ., 1992 წელს დაბადებული ლ.მ., 1996 წელს დაბადებული ქ.მ., 1997 წელს დაბადებული მ.მ., 1995 წელს დაბადებული ბ.დ., 1994 წელს დაბადებული თ.ჩ., 1994 წელს დაბადებული ჯ.ე. და 1988 წელს დაბადებული გ.მ.