#სპორტი #SPORT #vedetta - ლივერპულიდან და მიმდებარე ქალაქებიდან კიევისკენ საჯარო ტრანსპორტირება მაქსიმალურად შეზღუდულია.
ლივერპულის ფანები შეშფოთებული არიან, რომ კიევამდე მისასვლელი ყველა სატრანსპორტო საშუალება (თვითმფრინავები, ავტობსუები, მატარებლები) დიდი ხნით ადრე დაკავდა, მათ უეფა დახმარებას დაჰპირდა, მაგრამ განსაკუთრებული შედეგი მათ მოქმედებას არ მოჰყოლია, ამიტომ უკრაინის დედაქალაქში მოსახვედრად სხვა ალტერნატიული გზების მოძებნა უწევთ.
ცნობილი გახდა შთამბეჭდავი ციფრი. შარშანდელ ფინალთან შედარებით, სადაც რეალიც მონაწილეობდა, წელს კერძო თვითმფრინავების დაქირავება 2354%-ით გაიზარდა. ამას დავუმატოთ ისიც, რომ ახლახანს მხოლოდ 3 თვითმფრინავით 540 სქაუზერი გაემგზავრა. ეს სიამოვნება კი მათ საერთო ჯამში £411,000 ფუნტი დაუჯდათ.
კერძო თვითმფრინავების რეისები ძირითადად დაგეგმილია ლივერპულიდან, ლონდონიდან, პარიზიდან, ნიუ-იორკიდან და მადრიდიდან.