იუსტიციის მინისტრმა, თეა წულუკიანმა ხორავას ქუჩაზე მომხდარ მკვლელობასთან დაკავშირებით განაცხადა, რომ მოზარდი სუბელიანის ადგილზე რომ ყოფილიყო, ის ყოფილ პრეზიდენტს, მიხეილ სააკაშვილს უდანაშაულობის პრეზუმფციის დარღვევისთვის უჩივლებდა. როგორც მან პირველი არხის გადაცემაში „აქტუალური თემა მაკა ცინცაძესთან ერთად“ განაცხადა, ეს იქნებოდა პირველი პრეცედენტი, როდესაც ბავშვი უჩივის ყოფილ პრეზიდენტს.
“ყველა პოტენციური პრეზიდენტობის კანდიდატი ცდილობდა, მოხტომოდა ამ რაშს, რომელსაც ხორავას ქუჩის საქმე ჰქვია. მაგრამ ეს არ არის რაში, ესაა სისხლის სამართლის საზარელი საქმე, მკვლელობა ბავშვთა შორის. ვისაც არ დაეზარა, ამ ბავშვების ციხეში ჩაყრას ითხოვდა. სააკაშვილი ვნახეთ, სუბელიანმა ბავშვმაო მკვლელობა ჩაიდინაო. არანაირი მტკიცებულება ამისი არ არსებობს, შეიძლება მომავალში იყოს, მაგრამ ახლა არაა. მე რომ ვიყო სუბელიანი ბავშვი, იქნებოდა ალბათ პირველი პრეცედენტი, როდესაც ბავშვი უჩივის პრეზუმპციის დარღვევისთვის ყოფილ პრეზიდენტს, ვითომ იმ ყოფილ პრეზიდენტს თავისი უბედურებები არ ეყოფა, სისხლის სამართლის კუთხით”,-განაცხადა თეა წულუკიანმა.