ბავშვთა დაცვის საერთაშორისო დღე, თავდაცვის მინისტრის სახელით, მთაწმინიდის პარკში აღინიშნა. თავდაცვის სამინისტროს სამხედრო მოსამსახურეებმა სხვადასხვა საბრძოლო მოქმედებებში, სამსახურებრივი მოვალეობის შესრულებისას და საერთაშორისო მისიებში დაღუპული სამხედრო მოსამსახურეების შვილებს მთაწმინდის პარკში უმასპინძლეს. პროექტ „მამის მეგობრისგან“ ფარგლებში სამხედრო მოსამსახურეებმა ბავშვებთან ერთად სხვადასხვა გასართობ ღონისძიებაში მიიღეს მონაწილეობა და ატრაქციონებზე გაერთნენ.
დაღუპული სამხედროების შვილებს მთაწმინდის პარკის წარმომადგენლებმა სპეციალური გასართობი პროგრამაც შესთავაზეს. მოგვიანებით ბავშვებს ნაყინის მწარმოებელი კომპანია „თოლია“ ნაყინით გაუმსაპინძლდა.
თავდაცვის სამინისტროს ერთ-ერთ პრიორიტეტს დაღუპული და დაშავებული სამხედრო მოსამსახურეების ოჯახების მხარდაჭერა და მათზე ზრუნვა წარმოადგენს.