რონალდოს, რომარიოს, რობერტო კარლოსის და 1998 წლის ბრაზილიის ეროვნული ნაკრების სხვა წევრების მიერ სამბას მუსიკის თანხლებით აეროპორტში “ბურთაობა“ ფეხბურთის გულშემატკივრების ერთ-ერთი საყვარელი რეკლამაა. ახლა 20 წლის შემდეგ იგივე კომპანიამ, “Nike”-მა ახალი კლიპი გადაიღო, სადაც რუსეთში გასამართ მუნდიალზე წამსვლელი ბრაზილიელი ვარსკლავები მონაწილეობენ. ტექნოლოგიური წინსვლა სახეზეა, მაგრამ ერთი რამ მაინც უცვლელი დარჩა, კლიპში „პენალტს“ კვლავ რონალდო აფუჭებს. 1998 წელს, რონალდო გუნდის ვარსკლავი იყო, რეკლამის დასრულებამდე რამდენიმე წამით ადრე ბრაზილიელი დრიბლინგის შედეგად რამდენიმე „ოპონენტს“(მგზავრს) სცდება და „გოლის“ გატანას ცდილობს, თუმცა „კიჭა“ მიზანს აცელს და ბურთი „ძელს“ ხვდება. “Nike”-მა ყველაფერი იდეალურად გაიმეორა, „ფენომენმა“ „თერთმეტმეტრიანი“ გააფუჭა, თუმცა ერთი განსხვავება თვალში ფეხბურთის ყველა ქომაგს მოხვდა - რონალდოს წონა.

კლიპი „სელესაოს“ გასახდელში გადაღებული სცენით იწყება და ბრაზილიელი ქომაგის შეძახილით მთავრდება: „ეს ბრაზილიაა! არავითარი შიში! ამ მაისურს დიდი ისტორია აქვს“!

ბრაზილია ჩემპიონატის ერთ-ერთი ფავორიტია და ჯგუფურ ეტაპზე შვეიცარიის, კოსტა რიკის და სერბეთის ნაკრებებს დაუპირისპირდება.