როვნული ბანკის ბოლო განახლებული აპრილის თვის მიმოხილვის მიხედვით, საქართველოში ეროვნული ვალუტით გაცემული სესხები 201.5 მლნ ლარით 2.1 % გაიზარდა და 9.97 მლრდ ლარს გაუტოლდა. უცხოური ვალუტით გაცემული სესხების მოცულობა კი აპრილში წინა თვესთან შედარებით 12.1 მლნ აშშ დოლარით 0.2% გაიზარდა 5.12 მლრდ აშშ დოლარი შეადგინა. რაც შეეხება დეპოზიტებს, ამავე ანგარიშით ანუ აპრილში წინა თვესთან შედარებით საბანკო სისტემის სადეპოზიტო ვალდებულებები 263.0 მლნ ლარით 1.3% გაიზარდა და 19.9 მლრდ ლარს გაუტოლდა. 2017 წლის შესაბამის პერიოდთან მიმართებაში, მთლიანი დეპოზიტების მოცულობა 22.8 პროცენტით არის გაზრდილი. მიუხედავად იმისა რომ როგორც ეროვნული ბანკი განმარტავს, სადეპოზიტო ვალდებულებები ეროვნულ ვალუტაში გაზრდილია ამ მიმართულებით წახალისება მნიშვნელოვანი გამოწვევაა.
კერძო ბანკების აქციები და ინიციატივები ამ ნაწილში ნამდვილად საინტერესო ტენდენციის დაკვირვების შესაძლებლობას იძლევა. ცალკეული სტატისტიკა როგორ მოქმედებს საგანგებოდ შექმნილი პროდუქტები ამა თუ იმ შემთხვევაში ეროვნული ბანკის საჯარო ინფორმაციაში არ იძებნება.

სტუმარი: აკაკი სანიკიძე - "ტერაბანკი", პროდუქტების განვითარების განყოფილების უფროსი