საქართველოს თავდაცვის მინისტრის პირველმა მოადგილემ ლელა ჩიქოვანმა ნატო-საქართველოს წვრთნისა და შეფასების ერთობლივი ცენტრის (JTEC) მრჩეველთა ჯგუფის წევრი შვედეთიდან, მაიორი მაგნუს როზეგნერი გენერალ კვინიტაძის სახელობის უწყებრივი მედლით დააჯილდოვა.

შვედ ოფიცერს ჯილდო საქართველოსა და ნატოს შორის სამხედრო თანამშრომლობის განვითარების საქმეში შეტანილი წვლილისთვის გადაეცა.

მინისტრის პირველმა მოადგილემ მაიორ მაგნუს როზეგნერს საქართველოში წარმატებული მისიისთვის მადლობა გადაუხადა და წარმატებები უსურვა. დაჯილდოების ცერემონიალი თავდაცვის სამინისტროში გაიმართა. ღონისძიებას ნატო-საქართველოს არსებითი პაკეტის (SNGP) ნატოელი ექსპერტები და საქართველოს თავდაცვის უწყების წარმომადგენლები დაესწრნენ.