როდესაც ვანო მერაბიშვილი დაიჭირეს, კახა სირაძე და მისი თანამშრომლები დაიბარეს გენერალურ ინსპექციაში და მოსთხოვეს პატაკების დაწერა სამსახურიდან წასვლის შესახებ - ეს განცხადება ზვიად კუპრავამ საგამოძიებო კომისიის სხდომაზე გააკეთა. მისი თქმით, მკვლელობების განყოფიოლების უფროსი კახა სირაძე ვანო მერაბიშვილის კადრად მიიჩნეოდა და სამსახურიდან წასვლაც ამიტომ მოსთხოვეს, თუმცა როგორც კუპრავა ამბობს, პატაკების დაწერის შემდეგ სირაძემ მეგობარს- მირზა სუბელიანს დაურეკა და დახმარება სთხოვა. კუპრავას თქმით, სუბელიანმა საკუთარი გავლენები გამოიყენა და სირაძე, რამდენიმე თანამშრომელთან ერთად შსს-ში დატოვეს. თუმცა, კუპრავას თქმით, ამის შემდეგ კახა სირაძე მირზა სუბელიანთან "დავალებული აღმოჩნდა", რის გამოც უკვე მოგვიანებით, ხორავაზე მომხდარი მკვლელობის საქმეზე, სუბელიანმა სირაძეს, რომელიც მკვლელობების განყოფილებას ხელმძღვანელობდა, დაურეკა და უთხრა "მიეხედა ფარდულისთვის"