საერთაშორისო დონეზე აღიარებული ქართველი დიზაინერი მსოფლიოს ყურადღების ცენტრში კიდევ ერთხელ მოექცა.
დემნა გვასალიას “ვეტმანის” 2019 წლის გაზაფხული-ზაფხულის კოლექცია დილიდან ყველა ცნობილი მოდური გამოცემის მთავარი თემაა.
აფხაზეთის ომის პერიოდში და 90-იან წლებში საქართველოში არსებული მძიმე მდგომარეობა დიზაინერმა ახალ კოლექციაში წარწერების და სიმბოლოების საშუალებით ასახა.
„მინდოდა საკუთარი ისტორიის, საკუთარი ამბის მოთხრობა. რომ შემეძლოს წარსულში დაბრუნება, ეს ჩემი პირველი კოლექცია იქნებოდა” - ამბობს გვასალია, რომელმაც ჩვენებისთვის მოდელები სპეციალურად საქართველოდან მიიწვია და საკუთარი სამოსით ქვეყნის უახლესი ისტორიის თითქმის ყველა მნიშვნელოვან მოვლენას გაუსვა ხაზი.
სენსიტიურ კოლექციას გვანცა გიორგაძე გაგაცნობთ.