რა სახის დაზიანებები მიიღეს 2011 წლის 26 მაისის აქციის დარბევისას და შეეძლოთ თუ არა მომიტინგეებს ტერიტორიის დატოვება - ეს ის ძირითადი კითხვები იყო, რომელიც 26 მაისის აქციის საქმეზე სასამართლოში დაკითხულ მოწმეს, ზურაბ იმერლიშვილს დაუსვეს. მისი თქმით,  ტერიტორიის დატოვება სურდა, თუმცა სამართალდამცველებს გასასვლელები დაკეტილი ჰქონდათ. იმერლიშვლის განცხადებით,  მას ხელკეტებით დაზიანებები მიაყენეს,  თუმცა ნიღბიანი პირები იყვნენ, რის გამოც, მათ ამოცნობას ვერ შეძლებს.

 საქმეზე ძალის გამოყენებით უფლებამოსილების გადამეტებისთვის ბრალი შინაგან საქმეთა სამინისტროს ხუთ ყოფილ მაღალჩინოსანს  გიორგი ლორთქიფანიძეს,  დათა ახალაიას,  ვასილ ლილუაშვილს, რევაზ შიუკაშვილსა  და ლევან ქარდავას აქვს წარდგენილი.