პრემიერ-მინისტრმა სახელმწიფო უსაფრთხოების სამსახურს დაარსებიდან 3 წელი მიულოცა. მამუკა ბახტაძემ სპეცდანიშნულების რაზმის თანამშრომელი ივანე გოლაშვილი, რომელიც ბერი გაბრიელ სალოსის ქუჩაზე ჩატარებული სპეცოპერაციისას დაიღუპა, ვახტანგ გორგასლის პირველი ხარისხის ორდენზე წარადგინა. მთავრობის მეთაური გარდაცვლილი სპეცრაზმელის ოჯახს დღეს მთავრობის ადმინისტრაციაში, სახელმწიფო უსაფრთხოების სამსახურის უფროსთან ერთად შეხვდა. ვახტანგ გომელაურმა სამსახურებრივი მოვალეობის შესრულებისას გამოჩენილი განსაკუთრებული მამაცობისთვის, ივანე გოლაშვილი გარდაცვალების შემდეგ დააჯილდოვა. „მედალი მამაცობისთვის“ გომელაურმა დაღუპული სპეცრაზმელის მეუღლეს გადასცა.
https://imedinews.ge/ge/video/9943/mamuka-bakhtadze-dagupuli-spetsrazmeli-gorgaslis-pirveli-khariskhis-ordenze-tsaradgina