პარლამენტის საგამოძიებო კომისიის შეკითხვებს ერთად პასუხობდნენ დღეს შინაგან საქმეთა მინისტრი და ყოფილი მთავარი პროკურორი. გამოკითხვის პროცესი რამდენიმე საათის განმავლობაში გრძელდებოდა. კომისიის წევრი უმცირესობის წარმომადგენელი დეპუტატების შეკითხვები ხორავას ქუჩაზე მომხდარი მკვლელობის საგამოძიებო პროცესს, მირზა სუბელიანის ფაქტორს და გიორგი გახარიასა და ირაკლი შოთაძის მიერ საკითხზე კონკრეტული ინფორმაციის ფლობას შეეხებოდა.
დეპუტატები დაინტერესდნენ, წარიმართა თუ არა გამოძიება ხარვეზებით. იმოქმედა თუ არა მირზა სუბელიანის ფაქტორმა უარყოფითად მკვლელობის საქმეზე უტყუარი ჭეშმარიტების დადგენაზე. ოპოზიციის წარმომადგენლების შემდეგ გიორგი გახარიასა და ირაკლი შოთაძეს შეკითხვები უკვე უმრავლესობის დეპუტატებმა დაუსვეს.