მესტიაში, მყინვარ ლეხზირიდან ჩამოშლილმა მთის მასამ წყლის დაგუბება გამოიწვია. ვითარების შესაფასებლად ადგილზე მობილიზებულია ყველა შესაბამისი სამსახური. პრევენციის მიზნით, გადაკეტილია ხეობისკენ მიმავალი გზა და იქ შექმნილ ვითარებას სწავლობენ. ადგილზე იმყოფებიან საგანგებო სიტუაციების მართვის სამსახურის, შსს-ს, გარემოს ეროვნული სააგენტოს და საგზაო დეპარტამენტის წარმომადგენლები. ოფიცილური ცნობით, მთის ჩამოშლის შედეგად არავინ დაშავებულა. საგანგებო სიტუაციების მართვის სამსახურში დაკარგულების შესახებ ინფორმაცია არ შესულა. უწყების ცნობითვე, ვითარება კონტროლს ექვემდებარება, არც ერთი მოქალაქის სიცოცხლესა და ჯანმრთელობას საფრთხე არ ემუქრება