აგვისტო 5, 2018
162
სოციალური ქსელით დაგეგმილი თაღლითური სქემა გაშიფრა და დანაშაულებრივი ჯგუფი დააკავა შინაგან საქმეთა სამინისტრომ.
თბილისში, ქუთაისსა და ზესტაფონში, მოსამართლის განჩინების საფუძველზე, სამართალდამცველებმა ჯგუფის ოთხი წევრი აიყვანეს.
გამოძიების ინფორმაციით, დაკავებული ცოლ-ქმარი და მათი თანამზრახველები „ფეისბუქის“ ყალბი პროფილების გამოყენებით, თაღლითურად დაეუფლნენ ამავე სოციალური ქსელის მომხმარებლების კუთვნილ თანხებს. დაზარალებულია 6 მოქალაქე. მითვისებულმა თანხამ კი 1000 ლარზე მეტი შეადგინა.
ჩადენილი დანაშაული 7-დან 10 წლამდე ვადით თავისუფლების აღკვეთას ითვალისწინებს.
მაჩვენე მეტი