„გირჩის“ მღვდელმსახურის მოწმობით სამხედრო სავალდებულო სამსახურისთვის თავის არიდებამ განსაკუთრებით დიდ რიცხვს მიაღწია. ინფრასტრუქტურის სამინისტროს ინფორმაციით, გაწვეული წვევამდელებიდან ბოლო ერთი წლის განმავლობაში „გირჩის“ მღვდელმსახურის მოწმობა 4 406-მა პირმა წარადგინა. უწყებაში განმარტავენ, რომ ეს მაჩვენებელი წინა წლებთან შედარებით გაზრდილია.
მმართველ გუნდში ცვლილებების შემუშავებაზე ფიქრობენ. კანონმდებლები ამბობენ, რომ ტენდენცია შემაშფოთებელია, რადგან გაწვეულთა დიდი რაოდენობა უარს ამბობს სავალდებულო სამხედრო სამსახურზე და იღებს „გირჩის“ მღვდელმსახურის სერტიფიკატს. თავად „გირჩში“ ფიქრობენ, რომ ისინი კანონის ფარგლებში მოქმედებენ, როდესაც მღვდელმსახურის მოწმობებს გასცემენ.
საქართველოს კანონმდებლობით, სასულიერი პირები სამხედრო სავალდებულო სამსახურისგან თავისუფლდებიან.
„გირჩმა“ წვევამდელების გაწვევისგან გასათავისუფლებლად „ბიბლიური თავისუფლება“ 2017 წლის მარტში დააფუძნა.