„ღირსეული პარტნიორი 2018“-ის ფარგლებში ვაზიანის მეხუთე სასროლეთზე საინჟინრო და მექანიზებული ქვედანაყოფების კომბინირებული სწავლება გაიმართა. სწავლებაში ქართველი და ამერიკელი სამხედროები მონაწილეობდნენ. პირველ ეტაპზე სიმაღლეზე გამაგრებულმა ქვედანაყოფებმა თავდაცვითი ამოცანები შეასრულეს. შემდეგ კი კონტრიერიში განხორციელდა. სწავლებაში ჩართული იყო მეოთხე მექანიზებული ბრიგადის ჯავშანტექნიკა და აშშ-ის მეორე საკავალერიო პოლკის საბრძოლო ჯავშანმანქანები „სტრაიკერები“. მრავალეროვნული სამხედრო სწავლება ორი კვირის განმავლობაში მიმდინარეობს. სწავლების მთავარი გზავნილია - „ძალა პარტნიორობაშია“.