იტალიაში - გენუაში 2 დღიანი გლოვა გამოცხადდა. საავტომობილი ხიდის ნანგრევებში მაშველები გადარჩენილ მგზავრებსა და მძღოლებს ეძებენ. პოლიციის ცნობით დაღუპულია 26 ადამიანი.თუმცა მედიის ცნობით მათი რიცხვი 35ია.იტალიის შინაგან საქმეთა სამინისტრო მსხვერპლის გაზრდას არ გამორიცხავს, რადგან ნანგრევებს 300 კაციანი სამაშველო ბრიგადა ამ დრომდე ამოწმებს. ტრაგედიის გამომწვევ მიზეზად შტორმი დასახელდა. გამოძიების ვარაუდით, ხიმინჯმა სტიქიას ვერ გაუძლო. ქვეყნის შინაგან საქმეთა მინისტრი მატეო სალვინი დამნაშავეების დასჯის პირობას დებს.იტალიელ ხალხს მომხდარის გამო სამძიმარი გამოუცხადეს,კანადის პრემიერმა ,გერმანიის კანცლერმა ევროპული საბჭოს პრეზიდენტმა და საფრანგეთის ლიდერმა ემანუელ მაკრონმა, რომელმაც იტალიელებს სამაშველო ოპერაციაში დახმარება შესთავაზეს.