ვარკეთილში მკვლელობის საქმეზე დაკავებული პირი დუმილის უფლებას იყენებს. დაკავებულის ადვოკატის განცხადებით, ბრალდებული 25 აგვისტოს სამართალდამცველებს თავად ჩაბარდა. გუშინ კი, სასამართლომ მას აღკვეთის ღონისძიებად პატიმრობა შეუფარდა. შინაგან საქმეთა სამინისტრომ ვარკეთილის დასახლებაში მომხდარი განზრახ მკვლელობის, ცეცხლსასროლი იარაღის მართლსაწინააღმდეგო შენახვა-ტარებისა და თავისუფლების უკანონო აღკვეთისთვის ძებნილი, პირი გარდაბანში დააკავა. გამოძიებით დადგინდა, რომ ბრალდებულმა, 8 აგვისტოს, ღამით, შურისძიების ნიადაგზე, მოქალაქეს მისსავე საცხოვრებელი კორპუსის სადარბაზოში ცეცხლსასროლი იარაღიდან გასროლით სასიკვდილო ჭრილობა მიაყენა, მკვლელობის დროს სადარბაზოში შემთხვევით შესული მეზობელი დაჭრა. ამის შემდეგ, კი მოკლულის მეუღლე გაიტაცა.

✔️ ყველა სიახლე იხილეთ ბმულზე: https://goo.gl/1H1b91