შინაგან საქმეთა სამინისტრო ვიდეოჯარიმებთან დაკავშირებით განმარტებას ავრცელებს. სამინისტრო მოქალაქეებს შეახსენებს, რომ საჯარიმო ქვითარი ოფოციალურ ვებგვერდზე გამოქვეყნებიდან 30-ე დღეს დაჯარიმებული პირისთვის ჩაბარებულად ითვლება. ჯარიმის დაფიქსირებისთანავე სამართალდამრღვევს, დარღვევის შესახებ ჯერ მოკლე ტექსტური შეტყობინების სახით ეცნობება;
ჯარიმის 10 კალენდარული დღის განმავლობაში გადახდის შემთხვევაში, პირი სარგებლობს 20%-იანი შეღავათით;
თუ პირი ვიდეოჯარიმას არ გადაიხდის, საჯარიმო ქვითარი, რეგისტრაციის ადგილის მიხედვით, მას ფოსტის მეშვეობით გაეგზავნება; ჩაუბარებლობის შემთხვევაში, 30-დან 60 დღის ვადაში, პირს ვიდეოჯარიმა განმეორებით ეგზავნება;
საჯარიმო ქვითრის ფოსტის მეშვეობით ორჯერ ჩაუბარებლობის შემთხვევაში, შინაგან საქმეთა სამინისტრო საჯარიმო ქვითარს ოფიციალურ ვებ-გვერდზე აქვეყნებს: გამოქვეყნებიდან 30-ე დღეს ჯარიმა პირისთვის ჩაბარებულად მიიჩნევა;

✔️ ყველა სიახლე იხილეთ ბმულზე: https://goo.gl/1H1b91