ქრონიკული დაავადებების სამკურნალო მედიკამენტებით უზრუნველყოფის პროგრამა ფართოვდება. პრეპარატებზე ფასები ასაკით პენსიონერებისა და შეზღუდული შესაძლებლობის მქონე პირებისთვის შემცირდება. პროგრამას ემატება არტერიული ჰიპერტენზიის, ნერვულ და ენდოკრინულ სისტემებთან დაკავშირებული დაავადებების სამკურნალო მედიკამენტები. ჯანდაცვის მინისტრმა დავით სერგეენკომ დღეს გამართულ ბრიფინგზე განაცხადა, რომ მედიკამენტების ჩამონათვალი 23-ის ნაცვლად დაახლოებით 50-60 გახდება. მინისტრის თქმით, დაახლოებით ერთ ან ორ კვირაში პროგრამაში ჩართული სააფთიაქო ქსელების ჩამონათვალიც გაიზრდება. 

✔️ ყველა სიახლე იხილეთ ბმულზე: https://goo.gl/1H1b91