ვაშინგტონში ჯონ მაკკეინის ხსოვნისადმი მიძღვნილი მემორიალური ღონისძიებები მიმდინარეობს. სენატორის ცხედარი კაპიტოლიუმის სასახლიდან ეროვნულ საკათედრო ტაძარში გადაასვენეს. ცერემონია რამდენიმე საათის წინ დაიწყო და ის გარდაცვლილი სენატორის შვილმა, მეგან მაკკეინმა გახსნა. სიტყვით გამოვიდა ჯონ მაკკეინის მეგობარი, ყოფილი სენატორი ჯო ლიბერმანიც, რომელმაც მაკკეინზე საუბრისას ყურადღება ამერიკულ ღირებულებებზე გაამახვილა. ტაძარში იმყოფებოდნენ, ამერიკის მთავრობის მოქმედი და ყოფილი პოლიტიკოსები, ცერემონიას ესწრებოდნენ მსოფლიოდან ჩასული უცხო ქვეყნის დელეგაციები, მათ შორის საქართველოს პარლამენტის წევრები. სიტყვით გამოვიდნენ და ჯონ მაკკეინის ხსოვნას პატივი მიაგეს ჰენრი კისინჯერმა, უმცროსმა ჯორჯ ბუშმა და ბარაკ ობამამ. სენატორ ჯონ მაკკეინს ხვალ ანაპოლისში, სამხედრო საზღვაო აკადემიის სასაფლაოზე დაკრძალავენ.

✔️ ყველა სიახლე იხილეთ ბმულზე: https://goo.gl/1H1b91