სექტემბერი 7, 2018
5 040
#ცხოველები - სოფელ გლდანის მიმდებარე ტყის პირას მოქალაქემ შველი იპოვა
112-ში შესული შეტყობინების საფუძველზე, გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტისა და შინაგან საქმეთა სამინისტროს საპატრულო პოლიციის თანამშრომლები, სოფელ გლდანში გამოცხადდნენ, სადაც მოქალაქემ ტყის პირას შველი იპოვა.
დეპარტამენტის ცნობით, შველს ფეხზე დაზიანება აღენიშნებოდა, რის გამოც ის თბილისის ზოოპარკში გადაიყვანეს, სადაც მას დაშავებული ადგილები ანტისეპტიკური ხსნარით დაუმუშავეს. შველის რეაბილიტაციის პროცესი თბილისის ზოოპარკში გაგრძელდება და როდესაც მიბარებული შველი სრულად გამოჯანმრთელდება, მას ველურ ბუნებაში დააბრუნებენ.
მაჩვენე მეტი