2018 წლის მე-2 კვარტალში საქართველოში 389 მილიონი ამერიკული დოლარის პირდაპირი უცხოური ინვესტიცია შემოვიდა.

საქსტატის მონაცემებით, ეს მაჩვენებელი წინა წლის ანალოგიურ პერიოდს 9.4 პროცენტით აღემატება. ყველაზე მეტი ინვესტიცია აზერბაიჯანიდან შემოვიდა – 80,5 მილიონი დოლარი, მეორე ადგილზე ჩეხეთია – 77,9 მილიონი დოლარით, ხოლო მესამე ადგილზე ნიდერლანდები – 65,3 მილიონი დოლარით.

რაც ეხება ინვესტიციების დარგობრივ გადანაწილებას, უცხოეთიდან ყველაზე მეტი ფული ენერგეტიკამ მიიღო, მთლიანობაში 108 მილიონი დოლარი, ტრანსპორტსა და კავშირგაბმულობაში – 77 მილიონი დოლარი შემოვიდა, საფინანსო სექტორში – 64 მილიონი დოლარი, ხოლო უძრავ ქონებაში – 43 მილიონი დოლარის დაბანდება მოხდა.

ყველაზე მცირე რაოდენობის უცხოური ინვესტიცია სოფლის მეურნეობაში 6,9 მილიონი დოლარი და ჯანმრთელობის დაცვის სექტორში 1,6 მილიონი დოლარი შემოვიდა.

საერთო ჯამში, წლის პირველ ნახევარში უცხოელმა ინვესტორებმა ქვეყანაში 676,2 მილიონი დოლარი შემოიტანეს. თუმცა ეს მაჩვენებელი 73,2 მილიონი დოლარით ნაკლებია ვიდრე  წინა წლის ანალოგიურ პერიოდში.
ეწვიეთ ჩვენს საიტს - https://1tv.ge/
მოიწონეთ ჩვენი გვერდი - https://www.facebook.com/pg/1stchannel/posts/?ref=page_internal
გამოიწერეთ ჩვენი არხი - https://www.youtube.com/user/GeorgianPB/
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.