2018 წლის დასაწყისიდან, ლირა 40%-ით გაუფასურდა, ამან ინფლაციის 15-წლიან მაქსიმუმამდე, 18%-მდე ზრდის პროვოცირება გამოიწვია. ეკონომისტები ამბობენ, რომ ლირის ვარდნის და ინფლაციის შესაკავებლად, საპროცენტო განაკვეთების გაზრდაა აუცილებელი, თუმცა ქვეყნის ცენტრალური ბანკი, უკვე სამი თვეა, ქვეყნის პრეზიდენტის, რეჯეპ თაიფ ერდოღანის ზეწოლით, თავს იკავებს განაკვეთების გაზრდისგან. ერდოღანი, საკუთარ თავს „საპროცენტო განაკვეთების მტერს“ უწოდებს.
გუშინდელი ინფორმაციით, თურქმა ექსპორტიორებმა, საექსპორტო შემოსავლები, რომელიც უცხოურ ვალუტაშია, ლირაში უნდა გადაახურდაონ. ეს ვალდებულება მათ ეროვნული ვალუტის ვარდნის შესაკავებლად მიიღეს, თუმცა სფეროს ექსპერტების შეფასებით, ამან შესაძლოა მწარმოებლები $3-4 მლრდ-ით დააზარალოს.

სტუმარი: მიხეილ კუკავა, პიემსი კვლევითი ცენტრის ეკონომისტი

11.09.2018