მსხვერპლის პოტენციური მოძალადისგან დასაცავად და განმეორებითი ძალადობის პრევენციისთვის შინაგან საქმეთა სამინისტრო ზომებს ამკაცრებს. შემაკავებელი ორდერის გაცემის გარდა, სამართალდამცველი ვალდებული ხდება, მოძალადე პერიოდულად შეამოწმოს. მონიტორინგის ინტენსივობა კი რისკების დონეზე იქნება დამოკიდებული. პრევენციისთვის მომავალში არ არის გამორიცხული, რომ შემაკავებელი ორდერის დარღვევის პირველ შემთხვევაზე მოძალადე სისხლის სამართლებრივ პასუხისგებაში მიეცეს. შინაგან საქმეთა სამინისტროს სტატისტიკა აჩვენებს, რომ შარშანდელთან შედარებით ქალთა მიმართ და ოჯახში ძალადობის ფაქტებზე მიმართვიანობის მაჩვენებელი მკვეთრად გაზრდილია. სამწუხაროდ რთულია იმ სტატისტიკის შედარება რომელიც ძალადობის შემხთვევებს სრულად ასახავს რადგან ხშირად ამ ფაქტებთან დაკავშირებით სამართალდამცველების მიმართვა საერთოდ არ ხდება.

1 სექტემბერს ქალთა მიმართ და ოჯახში ძალადობის რისკების შეფასების ინსტრუმენტი და შემაკავებელი ორდერის მონიტორინგის მექანიზმი ამოქმედდა. რა შეცვალა უწყებამ და რაზე დაფუძნებულ პრაქტიკას იყენებს შინაგან საქმეთა სამინისტრო.

სტუმარი: ლონდა თოლორაია - შსს-ს ადამიანის უფლებათა დაცვის დეპარტამენტის დირექტორი

11.09.2018