ამერიკის შეერთებულ შტატებში 2001 წლის 11 სექტემბერს განხორციელებული ტერორისტული აქტიდან 17 წელი გავიდა. სენაკში, II ქვეითი ბრიგადის ბაზაზე, საერთაშორისო სამეთაურო-საშტაბო სწავლების “Agile Spirit 2018”-ის მონაწილე 10 ქვეყნის სამხედრო მოსამსახურეებმა პატივი მიაგეს ტერაქტში დაღუპულთა ხსოვნას.
სწავლების მეთაურმა, ბრიგადის გენერალმა გიორგი მათიაშვილმა და სწავლების თანახელმძღვანელმა ვიცე-პოლკოვნიკმა ჯონ მაიერსმა ტერაქტში დაღუპულების ხსოვნისადმი მიძღვნილი მემორიალური დაფა გვირგვინით შეამკეს.
საერთაშორისო სამეთაურო-საშტაბო სწავლება “Agile Spirit 2018” სენაკის სამხედრო ბაზაზე ოფიციალურად გუშინ დაიხურა.