2018 წლის მაისის ბოლოსთვის წითელას შემთხვევების რაოდენობამ 864-ს მიაღწია, შემთხვევების 11% 1 წლამდე ასაკის მოსახლეობაზე მოდის, ხოლო 50% – 14 წელზე უფროსი ასაკისაზე. იყო ფატალური შემთხვევებიც, 2 ადამიანი წითელათი გარდაიცვალა.
სტატისტიკა სახარბიელო ნამდვილად არ არის. ამ რიცხვების ფონზე ჯანდაცვის მსოფლიო ორგანიზაციამ ანგარიშში მიუთიტა, 2018 წლის პირველ 6 თვეში, წითელას ვირუსით 41000-ზე მეტი ადამიანი დაინფიცირდა. 37-ი გარდაიცვალა. მიმდინარე წლის პირველ ნახევარში ყველაზე მეტი, 23-ი ათასი შემთხვევა უკრაინაში დაფიქსირდა. უკრაინის გარდა ევროპაში კიდევ ექვსი ქვეყანაა, სადაც ექვს თვეში ინფიცირებულთა რიცხვმა ათასს გადააჭარბა, მათ შორის არის საქართველოც და საპატიო მესამე ადგილს იკავებს.