საქართველოში რამდენიმე საათით გადმოსულ თურქეთის მოქალაქეს სამშობლოში აღარ უშვებენ. მეჰმეთ საინი ვალის საბაჟოზე ქართული მხარის თანხმობას 23 აგვისტოდან ელოდება. მიზეზი პასპორტში ჩარტყმული მხოლოდ ერთი ბეჭედია. მეჰმეთ საინი საქართველოში 2016 წლის ნოემბერშიც იმყოფებოდა. მაშინ იგი თბილისის აეროპორტით შემოვიდა და ასევე თვითმფრინავით დატოვა ქვეყანა. მიუხედავად ამისა, მას ქვეყნიდან ოფიციალური გასვლა ბეჭდის არარსებობის გამო არ ეთვლება. ვალის საბაჟოზეც სწორედ ამას ედავებიან.