იუსტიციის უმაღლესი საბჭოს არამოსამართლე წევრი ანა დოლიძე აცხადებს, რომ კითხვის ნიშნები არავის უნდა დარჩეს, რომ ვანო მერაბიშვილს ცუდად ექცევიან და წინა საქმიანობის გამო სჯიან. მისივე თქმით, ვანო მერაბიშვილის მიმართ კანონის მოთხოვნები ზედმიწევნით უნდა აღსრულდეს.,,აუცილებელია, ჩვენმა სახელმწიფო ორგანოებმა ჩვენი კანონმდებლობის მოთხოვნები ზედმიწევნით განახორციელონ ვანო მერაბიშვილის, როგორც ერთ-ერთი პატიმრის მიმართ. – განაცხადა ანა დოლიძემ. ვანო მერაბიშვილი ჯანმრთელობის მდგომარეობის გაუარესების შესახებ ინფორმაცია გუშინ ადვოკატებმა გაავრცელეს. სპეციალურმა პენიტენციურმა სამსახურმა კი, საქართველოს ყოფილი პრემიერისა და შინაგან საქმეთა ყოფილი მინისტრის, ვანო მერაბიშვილის ჯანმრთელობის მდგომარეობის შესახებ განცხადება გაავრცელა, რომელშიც კატეგორიულად უარყო გავრცელებული ინფორმაცია.
✔️ ყველა სიახლე იხილეთ ბმულზე: https://goo.gl/1H1b91