შალვა დოლიძის სახელობის ტურნირი დასრულდა
დავით აღმაშენებლის სახელობის საქართველოს ეროვნული თავდაცვის აკადემიაში 2008 წლის აგვისტოს ომში დაღუპული სამხედრო მოსამსახურის, მაიორ შალვა დოლიძის სახელობის ტურნირი დასრულდა.
საქართველოს თავდაცვის მინისტრის მოადგილემ ზააალ კაპანაძემ, გენერალური შტაბის უფროსის მოადგილემ ბრიგადის გენერალმა შალვა ჯაბახიძემ და სოციალურ საკითხთა და ფსიქოლოგიური მხარდაჭერის დეპარტამენტის უფროსის მოვალეობის შემსრულებელმა გიორგი ჭოხონელიძემ ტურნირში მონაწილე და გამარჯვებული სამხედროები თასით და მედლებით დააჯილდოვეს.
საქართველოს ტერიტორიული მთლიანობისთვის წარმოებულ ბრძოლებსა და საერთაშორისო მისიებში დაჭრილი და დაშავებული სამხედრო მოსამსახურეების შეჯიბრი სპორტის სხვადასხვა სახეობაში 3 დღის განმავლობაში მიმდინარეობდა.
შალვა დოლიძის სახელობის ტურნირი საქართველოს თავდაცვის სამინისტროს სოციალურ საკითხთა და ფსიქოლოგიური მხარდაჭერის დეპარტამენტისა და დავით აღმაშენებლის სახელობის საქართველოს ეროვნული თავდაცვის აკადემიის ურთიერთთანამშრომლობით იმართება. დაჭრილი და დაშავებული სამხედროები ერთმანეთს მჯდომარე კალათბურთში, ფეინთბოლში, ცურვაში, სირბილში, მშვილდოსნობაში, პნევმატური იარაღით (შაშხანით, პისტოლეთით) სროლაში, მძლეოსნობაში (წოლჭიმი), მკლავჭიდში, მაგიდის ტენისში, ბილიარდსა და მჯდომარე ფრენბურთში ეჯიბრებოდნენ.